برطانیہ نے سیلاب کی تباہ کاریوں سے نمٹنے کیلئے پاکستان کیلئے 26 ملین پاؤنڈز کی امداد کا اعلان کر دیا۔
نجی ٹی وی ” اے آر وائی ” کے مطابق برطانوی ہائی کمشنر کرسچن ٹرنر کا کہنا ہے کہ برطانیہ سیلاب اور موسمیاتی تبدیلیوں سے نمٹنے کیلئے پاکستان کی مدد کر رہا ہے ، سیلاب کی تباہ کاریوں سے نمٹنے کیلئے برطانیہ کی جانب سے ساڑھے چھبیس ملین پاؤنڈز کی امداد فراہم کی گئی ہے ۔
سماجی رابطے کی ویب سائٹ ٹویٹر پر کرسچن ٹرنر نے لکھا کہ برطانیہ سیلاب اور موسمیاتی تبدیلی سے نمٹنے کیلئے پاکستان کی مدد کر رہا ہے ، ان مسائل سے نمٹنے کیلئے ساڑھے چھبیس ملین پاؤنڈز کی امداد فراہم کی گئی ہے ۔
کرسچن ٹرنر کا مزید کہنا تھا کہ امداد سے پاکستان مشکل حالات سے جلد از جلد نکلنے کے قابل ہوگا۔
