لاہور(اے ون نیوز)چمیپئنز ٹرافی کے میچ میں سنسنی خیز مقابلے کے بعد افغانستان نے انگلینڈ کو8 رنزسے شکست دے دی.
میچ کا فیصلہ آخری اوورکی پانچویں گیند پرہوا،ابراہیم زدران کے 146 گیندوں پر177 رنز بنا کر میچ کے بہترین کھلاڑی قرارپائے۔آئی سی سی چیمپئنز ٹرافی کے آٹھویں میچ میں افغانستان کے کپتان حشمت اللہ شاہدی نے انگلینڈ کے خلاف ٹاس جیت کر پہلے بیٹنگ کا فیصلہ کیا ہے۔
افعانستان نے مقررہ 50 اووروں میں 7 وکٹوں کے نقصان پر325رنزبنائے۔ افعانستان کی جانب سے ابراہیم زدران، رحمن اللہ گربازنے اوپننگ کی ،37 کے مجموعی سکور پر افغانستان کی 3 وکٹیں گر گئیں ،رحمن اللہ گرباز 6، صادق اللہ اتال4 اوررحمت شاہ4 رنزبنا کر پویلین واپس لوٹ گئے۔ حشمت اللہ شاہدی اورابراہیم زدران نے چوتھی وکٹ کی شراکت میں 103 رنزکااضافہ کیا۔
حشمت اللہ 40رنز بناکر آﺅٹ ہوئے ۔اوپنر ابراہیم زدران 146 گیندوں پر 6 چھکوں اور 12 چوکوں کی مدد سے 177 رنزبنا کر آﺅٹ ہوئے۔ عظمت اللہ اور محمد نبی 40,40 رنزبناکر آﺅٹ ہوئے ۔ گلبدین اور راشد خان ایک ،ایک سکور بنا کر ناٹ آﺅٹ رہے۔ انگلینڈ کی جانب سے جوفرا آرچر نے 3، لیام لیونگسٹن نے 2 ، جیمی اوورٹن اور عادل رشید نے ایک ،ایک کھلاڑی کو آﺅٹ کیا۔
326 رنز کے ہدف کے حصول کے لیے بعد میں بیٹنگ کرتے ہوئے انگلینڈ کی پوری ٹیم 49.5 اووروں میں 317 رنز پر آﺅٹ ہوگئی۔انگلینڈ کا آغاز بھی اچھا نہ تھا اور30 کے مجموعی سکور پر اس کے2 کھلاڑی آﺅٹ ہوگئے، فل سالٹ12 اورجیمی اسمتھ 9 رنزبناکر آﺅٹ ہوئے ۔
بین ڈکٹ 38 ، ہیری بروک 25 ، جو روٹ اور جوز بٹلر نے پانچویں وکٹ کی شراکت میں83 رنز کا اضافہ کیا ،216 کے مجموعی سکور پر جوز بٹلر 38 رنزبناکر آﺅٹ ہوئے ،لیام لیونگسٹن 10 ، جو روٹ 111 گیندوں پر ایک چھکے اور 11 چوکوں کی مدد سے 120رنزبنا کر آﺅٹ ہوئے۔جیمی اورٹن 32 ،جوفرا آرچر نے 14 اور عادل رشید 5 رنزبناکر آﺅٹ ہوئے۔
مارک ووڈ 2 رنزبناکرناٹ آﺅٹ رہے۔افعانستان کی جانب سے عظمت اللہ عمرزی نے5، محمد نبی نے2 ، راشد خان، فضل الحق فاروقی اور گلبدین نے ایک ،ایک کھلاڑی کو آﺅٹ کیا۔ابراہیم زدران کے 146 گیندوں پر177 رنز بنا کر میچ کے بہترین کھلاڑی قرارپائے۔
