ٹوکیو(اے ون نیوز)جاپان میں خراٹوں کی وجہ سے اپنے چچا کو زہر دینے کی کوشش کرنے والے نوعمر بھتیجے کو پولیس نے گرفتار کر لیا۔
غیر ملکی خبر ایجنسی کی رپورٹ کے مطابق جاپان میں ایک غیر معمولی واقعہ پیش آیا جس میں 18 سالہ لڑکے نے اپنے چچا کو شدید خراٹے لینے کی وجہ سے زہر دے دیا، لیکن خوش قسمتی سے چچا کی جان بچ گئی۔
جاپانی میڈیا رپورٹ کے مطابق لڑکے نے 52 سالہ چچا کو سوپ میں زہر ملا کے پلایا جس کے باعث متاثرہ شخص کی حالت غیر ہوگئی۔فوری علاج کی بدولت چچا کی زندگی اب خطرے سے باہر ہے تاہم نوجوان کو گرفتار کرلیا گیا ہے اور اس کے خلاف قتل کی کوشش کے تحت مقدمہ درج کر لیا گیا ہے۔
پولیس کو دیے گئے ابتدائی بیان میں لڑکے نے اپنا جرم قبول کیا، اور بتایا کہ اسے چچا کے خراٹے سخت ناگوار گزرتے تھے، یہی وجہ تھی کہ اس نے یہ قدم اٹھانے کا فیصلہ کیا۔
