لاہور(اے ون نیوز )روزنامہ آفتا ب گروپ کے چیف ایڈیٹر و سینئر صحافی اے پی این ایس کے سنیئر رہنما ممتاز اے طاہر حرکت قلب بند ہوجانے کے باعث انتقال کرگئے ان کی آپ کی عمر 80برس تھی ،مرحوم کے پسماندگان میں بیوہ،کے علاوہ (ایک) بیٹی اور (4 )بیٹے شامل ہیں ۔
تفصیلات کے مطابق روزنامہ آفتا ب گروپ کے چیف ایڈیٹر ممتاز اے طاہر گزشتہ روز سحری کے وقت قرآن پاک کی تلاوت اور نماز تہجد ادا کرنے کے بعد حرکت قلب بند ہوجانے سے دار فانی سے کو چ کرگئے ، مرحوم کی نمازجنا ز ہ عسکری 10 سیکٹر ڈی میں ادا کی گئی جس میں ڈائر یکٹر پر یس انفارمیشن ڈیپارٹمنٹ لاہور شفقت عباس ،سینئر صحافی مجیب الرحمن شامی،ڈائر یکٹر پبلک ریلیشن ریلوے بابر،عمرشامی ،عثمان شامی ، جمیل اطہر ،عرفان اطہر ، عمران اطہر ، صفدر علی خان ، ضیا الحق نقشبندی، اطہر علی خان ، بابر میر ، منیر جیلانی ، سجاد بخاری ، غلا م احمد عیسیٰ خان ، پر وفیسر سعید احمد سعیدی ، کر نل اکبر بٹ ، ودیگر اہم سیاسی و سماجی شخصیات سمیت شہریوں کی بڑی تعداد نے شرکت کی ۔
نماز جنازہ صوفی گلزار نے پڑھائی دوسری نماز جنازہ شاہی عید گاہ خانیوال روڑ ملتان میں جماعت اہلسنت کے مرکزی امیر علامہ مظہر سعید کاظمی نے پڑھائی جبکہ نماز جنازہ میں علامہ حامد سیعد کاظمی۔علامہ محمد فاروق خان سعیدی۔علامہ ڈاکڑ صدیق خان قادری۔ علامہ مفتی عثمان پسروری۔ علامہ قاضی بشیر بحمد گولڑوی۔علامہ قاری امان اللہ مہروی سمیت لوگوں کی بڑی تعداد نے شرکت کی نماز جنازہ کے بعد مرحوم کو قبرستان پاک مائی میں سپرد خاک کیا گیا مرحوم ممتاز اے طاہر بزرگ صحافیوں میں سے ایک تھے جنہوں نے تمام عمر صحافت کی اعلی ترین اقدار کی پاسداری کی اور کسی بھی دور یا صورت میں صحافت کی اعلی روایات پر سمجھوتے کے لئے آمادہ نہ ہوئے ۔
تحریک نظام مصطفےٰ کی کامیابی میں انہوں نے روزنامہ آفتاب میں خصوصی اشاعت کے ذریعے کلیدی کر دار ادا کیا ، آپ نہایت خوش مزاج اور ملنسار ہنس مکھ طبع کے مالک تھے ان کے انتقال پر پاکستان کی مختلف سیاسی، مذہبی اور سماجی شخصیات نے رنج و غم کا اظہار کیا اور صحافت کے لیے ان کی خدمات کو سراہا۔مر حوم کے درجات بلندی ، اہلخانہ کیلئے صبر جمیل کی دعا کی گئی ،واضع رہے کہ سوگوار وں میںمرحوم روزنامہ افتاب کے گروپ ایڈیٹر اسد ممتاز سیال۔ایڈیٹر محسن ممتاز سیال۔احسن سیال( حال امریکہ)۔فیصل سیال کے والد بزرگوار۔رونامہ افتاب کے چیف رپورٹر مظہر جاوید سیال کے بڑئے ماموں۔عزیز انجم سیال۔محمد یونس شہزاد سیال۔محمد اصف سیال ( امریکہ) محمدسعید ساجد سیال مرحوم کے بڑئے بھائی حاجی محمد اسماعیل سیال۔ حاجی محمد رمضان سیال کے برادر نسبتی تھے۔
