اسلام آباد (اے ون نیوز) بھارت نے دریائے توی میں پانی کی سطح بلند پر پاکستان کو پانی چھوڑنے کی اطلاع دے دی۔
بھارتی ہائی کمیشن نے مراسلہ بھیجا ہے دریائے توی میں اس وقت اونچے درجے کا سیلاب ہے جس کی وجہ سے بھارت پانی چھوڑنے پر مجبور ہے۔
دریائے توی سے آنے والا سیلابی ریلا گجرات، منڈی بہاؤ الدین، چنیوٹ اور جھنگ سے ملحقہ علاقوں کو متاثر کر سکتا ہے، دوسری طرف ظفر وال میں نالہ ڈیک میں اونچے درجے کا سیلاب ہے جس سے پانی متعدد دیہات میں داخل ہو گیا۔
ظفر وال میں ہزاروں ایکڑ پر دھان کی فصل زیر آب آ گئی، انتظامیہ نے متعدد دیہات خالی کرنے کی ہدایت کر دی، جہلم میں شدید بارش سے برساتی نالے بپھر گئے، قریبی آبادیاں متاثر ہو رہی ہیں۔
