لندن(اے ون نیوز)انگلینڈ کے فاسٹ بولر گَس ایٹکنسن نے بھارت کے خلاف پانچویں ٹیسٹ میچ میں 129 سالہ پرانا ریکارڈ توڑتے ہوئے ٹیسٹ کرکٹ میں نئی تاریخ رقم کر دی۔
ایٹکنسن، جو چوٹ کے باعث سیریز کے ابتدائی چار میچز میں شریک نہیں ہو سکے تھے، شاندار انداز میں واپسی کرتے ہوئے پانچ وکٹیں حاصل کیں۔ انہوں نے یشسوی جیسوال، دھروو جورَیل، واشنگٹن سندر، محمد سراج اور پرسدھ کرشنا کو آؤٹ کیا۔
اس کارکردگی کے ساتھ ایٹکنسن نے صرف 13 ٹیسٹ میچوں میں 60 وکٹیں مکمل کر لیں، وہ بھی 21 کی اوسط اور 34.9 کے اسٹرائیک ریٹ کے ساتھ۔
یہ ریکارڈ اس سے پہلے صرف انگلینڈ کے عظیم بولر جارج لوہمن کے پاس تھا، جنہوں نے 1896 میں 34.1 اسٹرائیک ریٹ کے ساتھ 60 وکٹیں حاصل کی تھیں۔ آسٹریلیا کے اسکاٹ بولینڈ 36 کے اسٹرائیک ریٹ کے ساتھ
اوول میں جاری پانچویں ٹیسٹ میں انگلینڈ نے ٹاس جیت کر بھارت کو پہلے بیٹنگ کی دعوت دی اور 224 رنز پر آل آؤٹ کر دیا۔
جواب میں انگلینڈ کی ٹیم اپنی پہلی اننگز میں 247 رنز پر آؤٹ ہو گئی اور 23 رنز کی برتری حاصل کی۔
دوسرے دن کے اختتام پر بھارت نے دوسری اننگز میں 2 وکٹوں کے نقصان پر 75 رنز بنائے۔
یشسوی جیسوال 51 رنز پر ناٹ آؤٹ جبکہ نائٹ واچ مین آکاش دیپ 4 رنز پر کریز پر موجود ہیں۔ بھارت کو اس وقت 52 رنز کی مجموعی برتری حاصل ہو چکی ہے۔
