نئی دہلی(اے ون نیوز)بھارت کی اپوزیشن جماعت کانگریس کے رہنما راہول گاندھی کی والدہ سونیا گاندھی سے کسان خواتین نے بیٹے کی شادی نہ کرانے کی وجہ پوچھ لی۔
بھارت کی ریاست ہریانہ کی کسان خواتین کا وفد سونی پت سے دلی پہنچا جہاں انہوں نے سونیا گاندھی، پریانکا گاندھی اور راہول گاندھی سے ملاقات کی۔
ملاقات میں کسان خواتین تینوں سے گھل مل گئیں اور ساتھ لائی ہوئی روایتی لسی اور دیگر سامان انہیں پیش کیا۔کسان خواتین نے اپنے ہاتھوں سے راہول گاندھی کو کھانا بھی کھلایا۔
اس دوران خواتین نے سونیا گاندھی سے 52 سالہ بیٹے راہول گاندھی کی شادی سے متعلق پوچھا جس پر سونیا گاندھی نے مسکراتے ہوئے جواب دیا کہ آپ لڑکی تلاش کرلیں۔اس پر پورے ہال میں قہقہے گونج اٹھے۔
اس ملاقات کی ویڈیو راہول گاندھی نے اپنے آفیشل ٹوئٹر اکاؤنٹ سے جاری کی ہے۔ملاقات کے بعد کسان خواتین کیلئے ظہرانے کا بھی اہتمام کیا گیا تھا۔
मां, प्रियंका और मेरे लिए एक यादगार दिन, कुछ खास मेहमानों के साथ!
सोनीपत की किसान बहनों का दिल्ली दर्शन, उनके साथ घर पर खाना, और खूब सारी मज़ेदार बातें।
साथ मिले अनमोल तोहफे – देसी घी, मीठी लस्सी, घर का अचार और ढेर सारा प्यार।
पूरा वीडियो यूट्यूब पर:https://t.co/2rATB9CQoz pic.twitter.com/8ptZuUSDBk
— Rahul Gandhi (@RahulGandhi) July 29, 2023
