ثناء جاوید پر دھوکہ دہی کا الزام، عمیر جیسوال کی حمایت میں کون سے معروف اداکار بول پڑے

 ثناء جاوید کی دوسری شادی کے بعد عمیر جیسوال کی حمایت میں اداکار احمد علی بٹ نے اہم بیان  دے دیا۔

سوشل میڈیا پوسٹ میں اداکار اور میزبان احمد علی بٹ نے عمیر جیسوال کو ‘سونے کا دل’ رکھنے والا شخص قرار دے دیا، ان کا مزید کہنا تھا کہ عمیر جیسوال شیر کی طرح بہادر ، ایک سچے اور شریف انسان ہیں۔ احمد علی بٹ نے مشکل حالات میں عیمر جیسوال کے حوصلے اور ہمت کی تعریف کی اور کہا کہ ہم سب کی زندگیوں میں بہت سارے مسائل ہوتے ہیں تاہم اہم بات یہ ہے کہ ہم ان سے کس طرح سیکھ کر آگے بڑھتے ہیں۔

اداکارہ ثناء جاوید پر ایک صحافی نے الزام عائد کیا تھاکہ شعیب ملک کے ساتھ ان کے 3 سال سے تعلقات تھے، دونوں کے درمیان ناجائز تعلق ہی شعیب کی ثانیہ مرزا اور ثناء کی عمیر جیسوال کیساتھ پہلی شادیوں کے خاتمے کا سبب بنا۔ 

احمد علی بٹ نے عمیر جیسوال کو مضبوط رہنے کا مشورہ دیا اور ان کے اور اہل خانہ کیلئے ہمیشہ خوشیوں کی دعا کی۔