عمران خان کی سابقہ اہلیہ جمائما زخمی ہو گئیں

کیپ ٹاﺅن(فہیم شبیر ) عمران خان کی سابقہ اہلیہ جمائما گولڈ اسمتھ ہائیکنگ کرتے ہوئے پہاڑی سے گرگئیں۔

جمائما کو یہ حادثہ جنوبی افریقہ کے ایک تفریحی مقام پر ہائیکنگ کے دوران پیش آیا جہاں وہ سال نو کے موقع پر تعطیلات منانے آئی ہیں،وہ اپنے دوستوں کے ہمراہ جنوبی افریقہ کی معروف پہاڑی پر ہائیکنگ کر رہی تھیں۔

یہ پہاڑی سطح سمندر سے 2 ہزار فٹ سے زائد بلند ہے،جمائما اس پہاڑی کی چوٹی سے نیچے اترتے ہوئے پھسل کر گر گئیں جس کے باعث ان کے کندھے، ٹخنے اور پاﺅں میں چوٹیں آئی ہیں،جمائما کو زخمی حالت میں کیپ ٹاﺅن کے ایک ہسپتال منتقل کیا گیا جہاں ان کی حالت خطرے سے باہر بتائی جا رہی ہے۔

اپنی انسٹاگرام پوسٹ میں جمائما نے لکھا کہ وہ حادثہ پیش آنے سے پہلے قدرتی نظاروں سے لطف اندوز ہو رہی تھیں،جمائما نے اس پوسٹ میں چند تصاویر بھی شیئر کیں جس میں انھیں ہسپتال کے بستر پر دیکھا سکتا ہے اور انھوں نے اپنے زخمی دائیں پاو¿ں میں حفاظتی جوتے پہنے ہوئے ہیں،ایک اور تصویر میں جمائما بیساکھیوں کے ساتھ کھڑی تھی تاہم وہ تکلیف کے باوجود مسکرا رہی تھی،اپنی خیریت سے آگاہ کرتے ہوئے جمائما گولڈ اسمتھ نے لکھا کہ میں تیزی سے روبہ صحت ہو رہی ہوں۔ آ سب کا شکریہ۔