کرتار پور گوردوارہ میں نکاسی آب چند گھنٹوں میں مکمل

لاہور (اے ون نیوز) وزیراعلیٰ پنجاب مریم نواز کی ہدایت پر کرتار پور گوردوارہ میں نکاسی آب چند گھنٹوں میں مکمل کرکے تمام حصوں کو مکمل طورپر صاف کردیاگیا۔

وزیراعلیٰ مریم نواز کی ہدایت پرستھرا پنجاب کے ورکرز اوردیگراداروں کے اہلکاروں نے دن رات محنت کرکے گوردوارہ کی درودیوار کو چمکادیا، درشن ڈیوری اوردیگر حصوں کو مکمل طورپر صاف کردیا گیا، کرتار پورگوردوارہ کو تین چار دن میں سکھ یاتریوں کیلئے کھول دیا جائے گا۔

وزیراعلیٰ پنجاب مریم نواز کی ہدایت پر ڈپٹی کمشنر ننکانہ صاحب کرتار پورگوردوارہ خود پہنچے اورصفائی کے عمل کی نگرانی کی، ڈی سی ننکانہ صاحب نے کرتارپور گوردوارہ کے وسیع صحن کو پانی نکال کر اچھی طرح صاف کروایا۔

واضح رہے کہ سیلابی ریلا آنے کے بعد کرتار پور گوردوارہ میں 10سے12فٹ تک پانی آگیا تھا، ریسکیو ٹیموں نے موٹر بوٹ پر بیٹھ کر سکھ یاتریوں کو نکالا اورمحفوظ مقام پر منتقل کیا، کرتار پورگوردوارہ کے منتظمین اوردیگر لوگ سکھوں کی مقدس عبادت گاہ کو پانی سے بالکل صاف دیکھ کر حیران رہ گئے۔