اسلام آباد (اے ون نیوز) ایف آئی اے امیگریشن نے ایئرپورٹ پر بڑی کارروائی کرتے ہوئے جعل سازی سے بیرون ملک جانے کی کوشش ناکام بنا دی۔ ملائیشیا جانے والے 2 مسافروں کو آف لوڈ کر دیا گیا ۔
مسافروں میں امین خان اور حبیب اللہ شامل ہیں۔دونوں مسافر بین الاقوامی پرواز کے ذریعے ملائیشیاء جا رہے تھے۔ مسافروں کا تعلق پشاور اور بونیر سے ہے۔ پاسپورٹس پر روانگی کی جعلی اسٹمپ لگی ہوئی تھی۔
مسافروں کے پاسپورٹس پر ملائیشاء آمد کی بھی جعلی اسٹمپ لگی ہوئی تھی۔ مزید قانونی کارروائی کے لئے اینٹی ہیومن ٹریفکنگ سرکل اسلام آباد کے حوالے کر دیا گیا ہے جبکہ مزید تفتیش جاری ہے۔
