انقرہ(اے ون نیوز)ترکیہ نے حالیہ زلزلے میں گراں قدر خدمات پر الخدمت فاؤنڈیشن پاکستان کو تمغہ حسن کارکردگی کے اعزاز سے نواز دیا۔
ترک دارالحکومت انقرہ میں ایوان صدر میں ہونے والی تقریب میں ترک صدر رجب طیب اردوان نے الخدمت پاکستان کے نمائندے کو ایوارڈ دیا۔
صدر الخدمت فاؤنڈیشن وسطی پنجاب اعزاز سبحانی نے ترک صدر سے ایوارڈ وصول کیا۔
الخدمت فاؤنڈیشن کا ایک اور اعزاز
ایوان صدر ترکیہ(انقرہ) میں منعقدہ تقریب میں صدر جمہوریہ ترکیہ رجب طیب ایردوان اور ترک عوام کی جانب سے الخدمت فاونڈیشن کو تمغہ حسن کارکردگی سے نوازا گیا.@RTErdogan pic.twitter.com/bDrblJrQJZ— Alkhidmat Foundation Pakistan (@AlkhidmatOrg) April 26, 2023
خیال رہے کہ گزشتہ دنوں ترکیہ اور شام میں آنے والے قیامت خیز زلزلے میں پاک فوج اور الخدمت فاؤنڈیشن سمیت دیگر ملکی اداروں نے امدادی کاموں میں بڑھ چڑھ کر حصہ لیا تھا۔
