پولینڈ(اے ون نیوز)ایران نے ورلڈ ماسٹر ویٹ لفٹ چیمپئن شپ کے دوران اسرائیلی ویٹ لفٹر سے ہاتھ ملانے والے ایرانی ویٹ لفٹر پر تاحیات پابندی عائد کردی۔
غیر ملکی خبر رساں ادارے کے مطابق پولینڈ میں کھیلی جانے والی ورلڈ ماسٹر ویٹ لفٹ چیمپئن شپ 2023 میں ایرانی ویٹ لفٹر مصطفیٰ راجائی دوسری جب کہ اسرائیلی ویٹ لفٹر مسکن سورسکی تیسری پوزیشن پر رہے۔
مقابلے کے بعد پوڈیم پر کھڑے ایرانی ویٹ لفٹر کو اسرائیلی ویٹ لفٹر مسکن سورسکی سے مصافحہ کرتے دیکھا گیا۔
اس موقع پر دونوں ایتھیلیٹس اپنے اپنے ملک کے پرچم اوڑھے دیکھے گئے تاہم اس ایونٹ کی ویڈیو وائرل ہوگئی جس میں ایرانی ویٹ لفٹر کو اسرائیلی ویٹ لفٹر سے مصافحہ کرتے اور پھر دونوں کو ایک ساتھ تصویر بنواتے بھی دیکھا گیا۔
غیر ملکی خبر رساں ادارے کے مطابق اب ایران کی ویٹ لفٹنگ فیڈریشن نے راجائی کے اسرائیلی ایتھیلیٹ سے ہاتھ ملانے کے عمل کو ناقابل معافی جرم قرار دیتے ہوئے ان پر تاحیات پابندی عائد کردی ہے۔
Iranian weightlifter Mostafa Rajaei has been banned for life by the mullah terror entity 🇮🇷. Why? Because he shook hands with Israeli 🇮🇱 weightlifter Maksim Svirsky at sports competition in Poland. pic.twitter.com/mQmFRbunrg
— Avi Kaner ابراهيم אבי (@AviKaner) August 30, 2023
اس کے علاوہ راجائی پر کھیلوں کی تمام سرگرمیوں میں حصہ لینے پر بھی پابندی عائد کی گئی ہے۔
واضح رہے کہ اس سے قبل ایران کے کئی کھلاڑی اسرائیلی کھلاڑیوں کے ساتھ کھیلنے سے انکار کرچکے ہیں۔
