اسلام آباد(اے ون نیوز)قومی کرکٹر شاہین آفریدی اور سابق کپتان شاہد آفریدی کی صاحبزادی انشا کی شادی کی تاریخ سامنے آنے کے بعد سوشل میڈیا پر ان کی شادی کا کارڈ بھی وائرل ہورہا ہے۔
گزشتہ روز شاہین آفریدی اور انشا آفریدی کی شادی کی تاریخ سامنے آئی تھی تاہم اب دونوں کی شادی کا کارڈ سوشل میڈیا پر سامنے آیا ہے جس میں شادی کی تاریخ اور مقام بھی درج ہے۔
پاکستان اور سری لنکا میں کھیلا جانے والا ایشیاکپ 17 ستمبر کو مکمل ہوجائے گا۔
ذرائع نے بتایا تھا کہ شاہین اور انشا کی شادی 19 ستمبر جب کہ 21 ستمبر کو اسلام آباد میں ولیمہ ہوگا۔
تاہم شادی کی حتمی تاریخ کے حوالے سے شاہد آفریدی یا شاہین کی جانب سے باضابطہ اعلان سامنے نہیں آیا ہے۔
واضح رہے کہ شاہین شاہ آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا جس میں معروف کرکٹرز سمیت قریبی رشتے داروں نے شرکت کی تھی۔
کچھ ماہ قبل شاہد آفریدی نے بتایا تھا کہ ان کی صاحبزادی انشا اور قومی ٹیم کے فاسٹ بولر شاہین آفریدی کی شادی ایشیا کپ کے باعث فی الحال ملتوی کرنی پڑی ہے۔
