اسلام آباد(اے ون نیوز)سابق وزیراعظم عمران خان سے اڈیالہ جیل میں کون کیسے ملاقات کرے گا پاکستان تحریک انصاف کی سیاسی کمیٹی کے اجلاس میں بڑا فیصلہ کر لیا گیا ہے جس کا اعلامیہ بھی جاری کر دیا گیا.
اے ون ٹی وی کے ذرائع کے مطابق بانی پی ٹی آئی سے ملاقاتوں کے لیے 5 رکنی کمیٹی تشکیل دے دی گئی ،ملاقاتوں کی فہرست ہر منگل اور جمعرات کو مرتب کی جائے گی .
اعلامیہ میں کہا گیاہے کہ فہرست کی منظوری بانی پی ٹی آئی سے لی جائے گی ،بانی پی ٹی آئی نے گوہر علی خان، سلمان اکرم راجہ، انتظار پنجھوتہ کو فوکل پرسنز نامزد کیا ہے،فہرست کے بغیر ملاقات پر پارٹی ڈسپلن کی خلاف ورزی تصور ہوگی .
سیاسی کمیٹی میں فیصلہ کیا گیا ہے کہ انتظامیہ کی مداخلت پر ملاقات احتجاج میں تبدیل کی جا سکتی ہے ، رکاوٹ کی صورت میں جیل حکام کے خلاف توہین عدالت کی درخواست دی جائے گی ،خیبرپختونخوا کے حکومتی عہدیداروں کو ملاقات کے لیے استثنیٰ حاصل ہوگی .
ملاقات کے لیے کمیٹی فہرست کی پابندی خیبرپختونخوا کے حکومتی عہدیداروں پر لاگو نہیں ہوگی.
