لاہور(اے ون نیوز) چیئرمین پیپلز پارٹی اور سابق وزیر خارجہ بلاول بھٹو زرداری رشتہ ازدواج میں منسلک ہونے کو تیار، 15 یا 16 دسمبر کو چیئرمین پیپلز پارٹی بلاول بھٹو زرداری کی منگنی کی تقریب کراچی یا یو اے ای میں ہو گی۔
پیپلز پارٹی کے ذرائع کے مطابق بلاول بھٹو زرداری کےلئے دلہن کا انتخاب ان کی بہنوں بختاور بھٹو زرداری اور آصفہ بھٹو زرداری نے ملکر کیا ہے اور اس سلسلے میں بختاور بھٹو زرداری کے سسر محمود نے اپنی بہو کی معاونت کی ۔
ذرائع کے مطابق بلاول بھٹو زرداری کی ہونےوالی بیوی کا تعلق سندھ سے بتایا جارہا ہے اور ان کا خاندان مستقل طور پر یو اے ای میں مقیم ہے۔ بختاور بھٹو زرداری کی اپنی ہونےوالی بھابھی سے ملاقات بھی یو اے ای میں ہوئی تھی ،اس کے بعد آصفہ بھٹو زرداری، صنم بھٹو، فریال تالپور اور چیئرمین کے والد آصف زرداری سب نے ملکر بلاول بھٹو زرداری کےلئے دلہن کا انتخاب کیا۔
ذرائع کے مطابق منگنی کی تقریب یو اے ای میں ہونے کا قوی امکان ہے اور اس سلسلے میں 15 یا 16 دسمبر کی تاریخ بتائی جارہی ہے ان دونوں دنوں میں سے کسی ایک دن چیئرمین کی منگنی کی تقریب ہونے کا قوی امکان ہے۔
