اسلام آباد(اے ون نیوز)پی آئی اے کی مالی بد حالی اور سہولیات کے فقدان کی وجہ سے درجنوں فضائی میزبان بیرون ممالک پروازوں سے سلپ ہو چکے ہیں
سلپ ہونے والوں میں فضائی کیبن کریو خالد آفریدی اور فدا حسین شاہ شامل ہیں، سلپ ہونے والے فضائی میزبانوں میں خواتین ایئر ہوسٹس اور مرد کیبن کریو شامل ہیں کینیڈا سلپ ہونے والے فضائی میزبان فدا حسین شاہ، خالد آفریدی اسلام آباد سے ٹورنٹو فلائٹ 772پر روانہ ہوئے تھے کینیڈا سے واپسی پر دونوں فضائی میزبان اپنی پرواز پر نہیں پہنچے۔
مذکورہ پرواز دونوں افراد کو چھوڑ کر واپس آئی ترجمان پی آئی اے کے مطابق فدا حسین شاہ کا پرسنل سٹاف نمبر 61277اور خالد آفریدی کا پرسنل سٹاف نمبر 60744ہے دونوں فضائی میزبانوں کے سلپ ہونے کے حوالے سے کینیڈا کی مقامی اتھارٹی سے رابطہ کیا گیا ہے تحقیقات مکمل ہونے پر دونوں فضائی میزبانوں کےخلاف ضابطے کی سخت کارروائی عمل میں لائی جائےگی۔
