پاک افغان سرحد پر فائربندی کی خلاف ورزی

اسلام آباد(اے ون نیوز) وزارت اطلاعات و نشریات کے مطابق پاک افغان سرحد پر فائربندی کی خلاف ورزی ہوئی ہے.

اے ون ٹی وی کے مطابق چمن باڈر پر افغانستان سے کچھ عناصر نے پاکستانی پوسٹوں پربلا اشتعال فائرنگ کی، سیکیورٹی فورسز نے فوری اور مؤثر ردعمل دیتے ہوئے فائر کا ذمادارانہ طریقے سے جواب دیا .

وزارت اطلاعات کا سرحد پر فائربندی کی خلاف ورزی پر بیان جاری،پاکستان، افغانستان کی جانب سے اس واقعے سے متعلق دعوے کو مسترد کرتا ہے.

فائرنگ افغانستان کی طرف سے شروع ہوئی، جس کا سیکورٹی فورسز نے فوری اور ذمہ دارانہ انداز میں جواب دیا، پاکستانی فورسز کی ذمہ دارانہ کارروائی سے صورتحال پر قابو پالیا گیا، جنگ بندی بدستور برقرار ہے.

پاکستان جاری مذاکرات کے لیے پرعزم ہے اور افغان حکام سے باہمی تعاون کی توقع رکھتا ہے.