اسکردو(اے ون نیوز)سکردو میں خوفناک لینڈ سلائیڈنگ،دل دہلا دینے والی ویڈیو وائرل.
بارشوں کے باعث اسکردو کے قریب لینڈ سلائیڈنگ کے نتیجے میں پہاڑی تودے میں دب کر تین افراد جاں بحق اور دو زخمی ہوگئے۔
ریسکیو حکام کےمطابق مرنے والوں میں ماں اور بچے شامل ہیں، بچوں کے باپ کو زخمی حالت میں ہسپتال منتقل کیا گیا جب کہ کافی دیر پہاڑی ٹکڑے کے نیچے دبے رہنے والے شخص کو ریسکیو کرلیا گیا ۔
سکردو میں خطرناک لینڈ سلائیڈنگ 😥
سب لوگ ان دنوں شمالی علاقہ جات سیر کرنے سے پہلے وہاں کی موسم کی مکمل معلومات لیں
زیادہ بارش کی صورت میں ایسی جگہوں پر جانے سے گریز کریں جہاں لینڈ سلائیڈنگ کا خطرہ ہو
اپنے کُچھ وقت کی خوشی کیلئے اپنے اور اپنے پیاروں کی زندگی داؤ پر مت لگائیں pic.twitter.com/hFkmm4mREq
— Shams Khattak (@Sh_am_92) July 23, 2023
اسکردو میں کئی روز سے بارش کا سلسلہ وقفے وقفے سے جاری ہے جب کہ چلاس شہر اور دیامر میں سیلابی صورتِ حال ہے۔
اس کے علاوہ ملک بھر میں گزشتہ روز بارشوں کے باعث مختلف حادثات میں 13 افراد جاں بحق ہوئے، ملک کے بیشتر علاقوں میں محکمہ موسمیات کی جانب سے آج بھی کہیں کہیں آندھی اور گرج چمک کے ساتھ بارش کی پیشگوئی کی گئی ہے۔
ادھر حالیہ مون سون بارشوں سے بلوچستان میں جانی و مالی نقصانات ہوئے، آواران ، قلعہ سیف اللہ ، ژوب اور خضدار میں مختلف واقعات میں 6 اموات ہوئیں جب کہ 4 مکانات مکمل تباہ ہوئے، مویشی بھی سیلابی ریلوں میں بہہ گئے۔
صوبہ سندھ میں جیکب آباد، شکار پور اور گردو نواح میں موسلادھار بارش ہوئی، اس کے علاوہ کراچی میں گزشتہ روز وقفے وفقے سے کہیں ہلکی بارش ہوئی تو کہیں صرف بوندا باندی ہوئی۔
