لاہور(اے ون نیوز)جنوبی افریقہ چوکرز کا ٹیگ اتارنے میں پھرناکام، چیمپئنز ٹرافی کے دوسرے میچ میں نیوزی لینڈ نے جنوبی افریقہ کو50 رنز سے شکست دیکر فائنل کے لئے کوالیفائی کرلیا۔
نیوزی لینڈ اور بھارت کی ٹیموں کے مابین فائنل 9 مارچ کو دبئی میں کھیلا جائے گا۔راچن رویندرامیچ کے بہترین کھلاڑی قرار پائے انہوں نے 101 گیندوں پر 13 چھکوں اور ایک چھکے کی مدد سے 108 رنز بنائے اور کھلاڑی کو آوٹ بھی کیاآئی سی سی چیمپئنز ٹرافی کا دوسرا سیمی فائنل نیوزی لینڈ اور جنوبی افریقہ کی ٹیموں کے درمیان قذافی سٹیڈیم لاہور میں کھیلا گیا۔
نیوزی لینڈ کے کپتان میچل سینٹرنے ٹاس جیت کر پہلے بیٹنگ کرنے کا فیصلہ کیا۔ نیوزی لینڈ نے مقررہ 50 اووروں میں 6 وکٹوں کے نقصان پر 362 رنزبنائے۔ واضح رہے کہ یہ چیمپئنز ٹرافی مقابلوں کا سب سے بڑا ٹوٹل ہے۔ پہلی وکٹ جلد گر گئی جب 48 کے سکور پر ول ینگ 21 رنز بنا کر لونگی انگیدی کی گیند پر کیچ آوٹ ہوئے دوسری وکٹ کی شراکت میں راچن رویندرا، کین ولیمسن نے 164 رنز کا اضافہ کیا۔
دونوں کھلاڑیوں نے اپنی سنچریاں مکمل کیں۔ راچن رویندرا 101 گیندوں پر 13 چھکوں اور ایک چھکے کی مدد سے 108 اور کین ولیمسن 94 گیندوں پر 10 چوکوں اور 2 چھکوں کی مدد سے 102 رنز بنا کر آوٹ ہوئے۔ دیگر کھلاڑیوں میں ڈیرل میچل49، مائیکل گورڈن بریسویل 16، ٹام لیتھم 4 رنز بناکر آوٹ ہوئے۔ گلین فلپس 49 اور 2 رنز بنا کر ناٹ آوٹ رہے۔
جنوبی افریقہ کی جانب سے لونگی انگیدی نے 3 ، کاگیسو ربادانے 2 اور ویان ملڈرنے ایک کھلاڑی کو آوٹ کیا۔ 363 رنز کے ہدف کے حصول کے لیے بعد میں بیٹنگ کرتے ہوئے جنوبی افریقہ نے مقررہ 50 اووروں میں 9 وکٹوں کے نقصان پر 312 رنز بنائے۔جنوبی افریقہ کی پہلی وکٹ 20 رنز پر گری جب رائن ریکلٹن17 رنز بنا کر کیچ آو¿ٹ ہوئے۔
ٹیمبا باووما (کپتان) اورراسی وان ڈر ڈوسن نے دوسری وکٹ کی شراکت میں 105 رنز کا اضافہ کیا۔ 125 کے مجموعی سکور پر کپتانٹیمبا باووما 56 رنز بنا کرمیچل سینٹر کی گیند پر کیچ آو¿ٹ ہوئے۔ راسی وان ڈر ڈوسن 69 ، ایڈن مارکرم 31 ،کاگیسو ربادا 16، ویان ملڈر8 ، ہینرک کلاسن 3 ، مارکو یانسن 3 ،کیشاوت مہاراج ایک سکور بنا کر آو¿ٹ ہوئے۔
ڈیوڈ ملر نے 67 گیندوں پر 100 رنز بنائے اور ناٹ آوٹ رہے لونگی انگیدی ایک سکور بنا کر ناٹ آوٹ رہے۔نیوزی لینڈ کی جانب سے میچل سینٹر نے3 ،میٹ ہنری اور گلین فلپس نے 2،2 ، مائیکل بریس ویل اور راچن رویندرا نے ایک ایک کھلاڑی کو آوٹ کیا
