دبئی(اے ون نیوز)پنجاب میوزک گروپ (پی ایم جی انٹرنیشنل) کے زیر اہتمام چیف آرگنائزر نزاکت علی خان کی سربراہی میں متحدہ عرب امارات (دبئی) ڈیزرٹ سفاری کی حسین شام میں ایک رنگا رنگ تقریب افطاری مرتب کی گئی۔
دبئی ڈیزرٹ سفاری کا افطار پروگرام محفل حمد و ثناء سے آغاز ہوا جو بعد ازاں نعت رسول مقبول صلی اللہ علیہ وآلہ وسلم کی جانب رواں دواں رہا۔ پی ایم جی کے سنگ مظہر نے خصوصی افطار سپانسر کے اہتمام کا بیڑہ اٹھایا۔
حاضرین محفل میں مقامی نعت خوانوں نے جوک در جوک شرکت کی جن کے لئے پی ایم جی کا پلیٹ فارم ایک خصوصی اہمیت کا حامل ہے۔ نمایاں شرکاء میں وسیم اسلم، شاہد کوکو، روکی کوکو، علی عمران، حسین وارثی، غلام عباس، امجد صاحب اور ھاشم شامل تھے۔ پرسورز محفل افطار تک جاری رہی جہاں نزاکت نے بھی نعت رسول مقبول پڑھی اور محفل پر رقت طاری کر دی۔
افطار بوفے کے بعد با جماعت نماز اور موسمی اعتبار سے چائے قہوہ کا بہترین بندوبست کیا گیا تھا۔ پی ایم جی کی اس کاوش نے دبئی سفاری کی سرد رات کا مزہ دوبالا کر دیا۔
پروگرام کے اختتام پہ رمضان المبارک کے توسط سے امت مسلمہ خصوصاً پاکستان کے لئے دعا کی گئی۔
