لاہور (اے ون ٹی وی نیوز) انسداد دہشتگردی عدالت نے 9 مئی کے معروف شیر پاؤ پل مقدمے کا فیصلہ سنا دیا ہے، جس میں پاکستان تحریک انصاف کے سینئر رہنما شاہ محمود قریشی کو بری کر دیا گیا، جب کہ پارٹی کے دیگر اہم رہنماؤں کو 10 سال قید کی سزا سنائی گئی ہے۔
عدالتی فیصلے کے مطابق ڈاکٹر یاسمین راشد، میاں محمودالرشید، سابق گورنر پنجاب عمر سرفراز چیمہ، اور سینیٹر اعجاز چوہدری سمیت 9 افراد کو جرم ثابت ہونے پر دس دس سال قید کی سزا دی گئی ہے۔
عدالت نے شاہ محمود قریشی سمیت 14 میں سے 6 افراد کو بری کر دیا، جن میں علی حسن، افضال عظیم پاہٹ ایڈووکیٹ، خالد قیوم اور ریاض حسین بھی شامل ہیں۔
واضح رہے کہ افضال عظیم پاہٹ ایڈووکیٹ نے حالیہ عام انتخابات میں وزیراعظم شہباز شریف کے خلاف قومی اسمبلی کی نشست پر الیکشن میں حصہ لیا تھا۔
