ریاض (اے ون نیوز) سعودی عرب اور کویت نے آبنائے ہرمز میں امریکی فوجی آپریشن کے آغاز کے بعد عائد کی گئی وہ پابندیاں ختم کر دی ہیں جن کے تحت امریکی فوج کو ان دونوں ممالک کے فضائی حدود اور فوجی اڈوں کے استعمال میں محدودیت کا سامنا تھا۔
امریکی اور سعودی حکام کے مطابق اس فیصلے کے بعد صدر ڈونلڈ ٹرمپ کی انتظامیہ کے لیے اہم بحری راستے آبنائے ہرمز میں تجارتی جہازوں کی نقل و حرکت بحال کرنے کی راہ ہموار ہوگئی ہے۔
وال سٹریٹ جرنل کے مطابق امریکی حکام کا کہنا ہے کہ واشنگٹن اب “پروجیکٹ فریڈم” دوبارہ شروع کرنے پر غور کر رہا ہے، جس کے تحت امریکی بحریہ اور فضائیہ کی مدد سے تجارتی جہازوں کو محفوظ راستہ فراہم کیا جائے گا۔ یہ آپریشن رواں ہفتے صرف 36 گھنٹوں بعد عارضی طور پر روک دیا گیا تھا۔
پینٹاگون حکام کے مطابق آپریشن کی بحالی جلد ممکن ہے اور اسے آئندہ چند روز میں دوبارہ شروع کیا جا سکتا ہے، تاہم حتمی وقت کے بارے میں ابھی واضح اعلان نہیں کیا گیا۔
