حکومت پنجاب نے صوبے بھر میں ایک ہفتے کیلئے ماسک پہننا لازمی قرار دے دیا۔
نگران صوبائی حکومت نے صوبے بھر میں ماسک لازمی پہننے کا نوٹیفکیشن جاری کردیا جس میں کہا گیا ہے کہ گھر سے نکلنے والا ہر فرد 20 سے 26 نومبر تک ماسک ضرور پہنے گا۔
اس حوالے سے وزیر اعلیٰ محسن نقوی کا کہنا تھا کہ صحت کو ترجیح دینا اجتماعی ذمہ داری ہے اور ماسک پہننے کا فیصلہ بگڑتے ہوئے ہوا کے معیار کو دیکھتے ہوئے کیا گیا۔
دوسری جانب لاہور، فیصل آباد اور گوجرانوالا سمیت پنجاب کے کئی شہروں میں چھٹی کے دن بھی فضائی آلودگی کی خطرناک صورتِ حال رہی۔
لاہور میں صبح 9 بجے پارٹیکولیٹ میٹرز کی تعداد 406، فیصل آباد میں 314 اور گوجرانوالا میں 254 ریکارڈ کی گئی۔
خیال رہے کہ گزشتہ روز اسموگ کے باعث پنجاب کے 10 اضلاع میں اسمارٹ لاک ڈاؤن نافذ کیا گیا تھا اور تعلیمی ادارے بند کیے گئے تھے۔
