سیالکوٹ(اے ون نیوز)مسلم لیگ ن کے رہنما خواجہ آصف نے کہا ہے کہ عمران خان نے اس قوم سے خلوص اور محبت چھین لی ہے، ایسا سیاست میں پہلے کبھی نہیں ہوتا تھا، مختلف سیاسی مخالفین سے آج تک گالی گلوچ کا تبادلہ نہیں ہوا، تحریک انصاف نے گالی گلوچ کے کلچر کو فروغ دیا ہے۔
سیالکوٹ میں کارکنوں سے خطاب کرتے ہوئے انہوں نے کہا تحریک انصاف نے نوجوانوں کا کلچر ختم کر دیا ہے، ہمارے بزرگوں کی یہ ہمیں تربیت نہیں دی،جو اس وقت جیل میں ہے اسکا ایک بھی وعدہ جو پورا کیا گیا ہو بتا دیں، نوکریاں کہاں گئی،درخت کہاں گے اس نے تو گورنر ہاوس کو یونیورسٹی بنانا تھا، نواز شریف کا نام پانامہ میں بھی نہیں تھا، کوئی ثبوت نہیں ملا تو سپریم کورٹ کے خصوصی بینچ نے بیٹے سے تنخواہ نہ لینے پر فارغ کر دیا گیا۔
انہوں نے کہاتحریک انصاف کے دور میں پارکوں کو برباد کر دیا گیا، عمران خان اور اس کے حواریوں نے اس ملک کو ملکر لوٹا ہے، موٹروے سے معاشی انقلاب آیا ہے، یہ بہت بڑا تحفہ نواز شریف کی جانب سے دیا گیا ہے، ترقیاتی سلسلہ جاری رہے گا، بلدیاتی انتخابات جلد ہوں گے، ہماری کارکردگی مثالی رہی ہے، بلدیاتی اداروں سے شہری علاقوں کے ساتھ ساتھ دیہی علاقوں کے ترقیاتی کام ہو سکتے ہیں۔
جو آپ کو ووٹ توڑ نے کا کہتا ہے وہ بددیانت شخص ہو گا، وفائیں ہمیشہ زندہ رہتی ہے،28 جنوری کو ہمارے قائد میاں نواز شریف آ رہے ہیں، ان سے آپ کی محبت کا ثبوت 28 جنوری کو ملنا چاہئے،9 مئی کی طرح انکی سازشیں آج بھی جاری ہیں،ہم نے کبھی دفاعی تنصیبات پر حملے کا کبھی سوچا بھی نہیں، ادارے کے ساتھ رشتہ معتدل ہے، تحریک انصاف کے کارکن حقارت اور نفرت کی نگاہ سے دیکھتے ہیں۔
