لاہور(اے ون نیوز)صوبائی دارالحکومت میں گودام میں آگ لگنے سے 3 کمسن بچے جھلس کر جاں بحق ہو گئے۔
ریسکیو حکام کے مطابق دلخراش واقعہ گجرپورہ کے علاقہ چائنہ سکیم میں پیش آیا جہاں کباڑ کے گودام میں اچانک آگ بھڑک اٹھی جو تیزی سے پھیل گئی۔
حکام کا کہنا تھا کہ آتشزدگی کی زد میں آ کر 3 بچے جن میں 6 سالہ علیزہ، 4 سالہ علی احمد اور 2 سالہ فضا بری طرح جھلس گئے جو ہسپتال میں دم توڑ گئے۔
واقعہ کے بعد علاقے میں خوف وہراس پھیل گیا، تاحال ابتدائی طور پر آگ لگنے کی وجوہات معلوم نہیں ہو سکی۔
