اسلام آباد(اے ون نیوز) تحریک انصاف کے رہنما اور وکیل شیر افضل مروت اور مسلم لیگ ن کےسینیٹر افنان اللہ خان ٹاک شو کے دوران آپس میں لڑ پڑے، بات لڑائی مار کٹائی تک جا پہنچی،پروگرام کے عملے نے دونوں رہنماؤں کو چھڑوایا۔
نجی ٹی وی چینل کے ایک ٹاک شو میں افنان اللہ اور شیر افضل مروت شریک ہوئے۔ میزبان کی جانب سے سوال کیے جانے پر افنان اللہ نے سابق وزیراعظم اور چیئرمین پی ٹی آئی کے حوالے سے کچھ نازیبا الفاظ کہے۔
چیئرمین پی ٹی آئی سے متعلق نازیبا گفتگو پہلے تو شیر افضل مروت سنتے رہے لیکن پھر اچانک غصے میں آکر انہوں نے افنان اللہ خان کو تھپڑ دے مارا۔ جس کے بعد معاملہ ہاتھا پائی تک جا پہنچا۔
ٹاک شو میں ہونے والے جھگڑے کی ویڈیو فی الحال سامنے نہ آسکی لیکن سوشل میڈیا پر وائرل ہونے والی تصاویر میں دونوں رہنماؤں کو گتھم گتھا ہوتے دیکھا جاسکتا ہے۔
اس حوالے سے سینیٹر افنان اللہ خان نے سماجی رابطے کی ویب سائٹ ایکس پر ایک ویڈیو بھی جاری کی جس میں دیکھا جاسکتا ہے کہ پی ٹی آئی رہنما شیر افضل مروت لڑائی کے بعد پروگرام سے جاچکے تھے۔
….ویڈیو دیکھیں….
یہ لو ویڈیو اگئی ہے۔شیر افضل اور افنان والی pic.twitter.com/pAp30THpYx
— Arslan Baloch (@balochi5252) September 28, 2023
