باتھ روم میں گرنے سے پرویز الٰہی کی کتنی پسلیاں ٹوٹی ہیں؟میڈیکل رپورٹ میں تشویشناک انکشاف

اسلام آباد (اے ون نیوز)پاکستان تحریک انصاف کے صدر چوہدری پرویز الٰہی کے اڈیالہ جیل میں گرنے سے زخموں سے متعلق رپورٹ انسداد دہشتگردی عدالت اسلام آبادمیں پیش کردی گئی ہے۔

رپورٹ میں بتایا گیا ہے کہ جیل کے واش روم میں گرنے سے پرویز الٰہی کی 4پسلیاں ٹوٹ گئیں،پسلیوں میں فریکچر ایکسرے رپورٹ میں سامنے آیا،جس پر پرویز الٰہی کو ڈاکٹرز نے 2 ہفتے آرام کا مشورہ دیدیا۔رپورٹ میں مزید کہا گیا ہے کہ پرویز الٰہی کو گرنے سے سر پر بائیں طرف چوٹ کا نشان موجود ہے،اس کے علاوہ پرویز الٰہی کے ماتھے پر بھی چوٹ آئی ،بائیں آنکھ کے قریب بھی چوٹ آئی جبکہ بائیں بازو پر بھی چوٹ لگی۔ پرویز الٰہی کی چھاتی کا دایاں حصہ سوجھاہوا ہے جبکہ بایاں گھٹنا بھی واش روم میں گرنے سے زخمی ہوا۔

میڈیکل رپورٹ کے مطابق پرویز الٰہی کے ایکسرے جیل میں لیے گئے، پرویز الٰہی کا چیک اپ پمز اسلام آباد اور بینظیر بھٹو ہسپتال راولپنڈی کے سینئر ڈاکٹرز نے کیا،سینئر ڈاکٹرز کی ٹیم میں جنرل سرجن،ماہر کارڈیولوجسٹ اور آرتھوپیڈک شامل تھے۔